Nagsimula sa isang matamis na text nagtapos sa isang text na akala mo hindi na kayo magkakilala.
Mula sa isang text na “Hi babe, good morning! Hope your day goes well, just letting you know you’re the first in my thoughts today” hanggang sa ganitong kaikiling text “Morning”, iba talaga ang pag-ibig, parang panahon lang yan na nagbabago sa tuwing may paparating na bago, o sa tuwing may dapat mapalitan ng bago. Hindi rin natin alam kung kailan sila mawawala sa buhay natin, kung anong bilis ng pagpasok nila sa buhay natin ‘yon ding bilis ng pagalis nila sa buhay natin. Oo, masakit nga pero wala ng mas sasakit pa kapag nalaman mong nagpapakatanga ka nalang pala sakanya, na ikaw nalang pala ang nagmamahal sainyong dalawa.
Sana parang thermometer nalang tayo, kung saan malalaman natin kung gaano pa ba kainit ang pag-ibig na nararamdaman nila sa’tin, at malaman din natin kung nanlalamig na ba sila. Wala, ganoon talaga. Wala tayong kapangyarihan para malaman kung ano nga ba ang tunay na nararamdaman ng isang tao para sa’tin. Ang tanging magagawa lang natin ay pakawalan sila, masakit kung sa masakit pero ‘yun ang tama at ‘yun ang nararapat.
(via phenlee)
(Source: wishyouhadastormwarning, via imgfave)
